Жиззах вилояти Мирзачўл тумани «Ержар» маҳалласида истиқомат қилувчи 24 ёшли аёл бирга яшайдиган акасидан шикоят қилиб, милицияга мурожаат қилди, дея хабар бермоқда вилоят ИИБ матбуот хизмати.
Мирзачўл туман ички ишлар бўлимига ариза билан мурожаат қилган аёл 1988 йилда туғилган акаси доимий равишда спиртли ичимлик ва гиёҳванд модда истеъмол қилишини маълум қилган.
«Мазкур мурожаат ўрганилиб, гумонланувчининг яшаш уйи кўздан кечирилганда, гилам устида полиэтилен идишда 13,5 грамм марихуана (наша) гиёҳванд моддасини сақлаб келаётганлиги аниқланган», — дейилади ИИБ ахборотида.
Хабар беришларича, мазкур ҳолат юзасидан жиноят иши қўзғатилган.
Изоҳ (0)