Шавкат Мирзиёев Яшнобод туманида қурилган янги уйларни бориб кўрди. Ўзбекистон Президентининг «2017 – 2020 йилларда шаҳарларда арзон кўп қаватли уйларни қуриш ва реконструкция қилиш дастурини самарали амалга ошириш борасидаги қўшимча чора-тадбирлар тўғрисида»ги қарорига мувофиқ Яшнобод тумани «Олмос» маҳалла фуқаролар йиғинида 48 та беш қаватли уй бунёд этилмоқда, деб хабар берди Президент матбуот хизмати.
1 минг 440 хонадондан иборат ушбу турар жойлар ҳарбийларга топширилади. Ўзига хос ҳарбий шаҳарча бўладиган ушбу мавзеда болалар боғчаси, мактаб, поликлиника ва бошқа ижтимоий объектлар барпо этилади.
Шавкат Мирзиёев ҳудудда амалга оширилган бунёдкорлик ишлари, уйларда яратилаётган шароитлар билан танишди.
Бундай уйларнинг қурилиши Ўзбекистон мудофаа салоҳиятини мустаҳкамлаш, ҳарбийларни қўллаб-қувватлаш борасидаги ишларнинг узвий давоми эканлиги таъкидланди.
Шавкат Мирзиёев шу ерда ҳуқуқни муҳофаза қилиш органлари мутасаддилари билан мулоқот қилди.
Изоҳ (0)