Зангиотада тунгги соат 02:00 ларда Matiz ҳайдовчиси 21 ёшли қизни уриб юборди. Жабрланувчи вафот этган

Зангиота туманида Matiz ҳайдовчиси уриб юборган 21 ёшли қиз вафот этди. Бу ҳақда Тошкент вилоят ИИБ ҳузуридаги Тергов бошқармаси хабар берди.

2018 йил 25 март куни соат 02:00 ларда Matiz русумли автомобиль «Тошкент—Сергели» автомобиль йўлининг 1-километрида 1997 йилда туғилган, сурхондарёлик қизни уриб юборган. Маълумотларга кўра, Matiz’ни 1991 йилда туғилган бекободлик фуқаро бошқариб кетаётган бўлган.

Оқибатда 21 ёшли қиз «бош мия лат ейиши, бош мия ёпиқ жароҳати, кўкрак қўшма жароҳати, кома ҳолати» ташхиси билан касалхонага ётқизилган. Касалхонада кўрсатилган тиббий ёрдамга қарамай, жабрланувчи вафот этган.

Ҳолат юзасидан Зангиота туман ИИБ ҳузуридаги Тергов бўлими томонидан Жиноят Кодексининг 266-моддаси 2-қисми билан жиноят иши қўзғатилиб, тергов ҳаракатлари олиб борилмоқда.