Ўзбекистонда акциядорлик жамиятлари устав капиталида хорижий инвестор улуши камида 15 фоиз бўлиши ҳақидаги тартиб бекор қилиниши мумкин. Бу Рақобат қўмитаси томонидан ишлаб чиқилган ва норматив-ҳуқуқий ҳужжатлар муҳокамаси порталида жойлаштирилган Президент қарори лойиҳасида кўзда тутилган, дея хабар беради Spot.
Шунингдек, қимматли қоғозлар чиқарилганини амалга ошган деб ҳисоблаш учун савдода жойлаштириладиган акцияларнинг минимал ҳажмига бўлган талабни бекор қилиш таклиф этилмоқда.
2015 йилда Президент қарори билан ташкил этилган Акциядорлик жамиятлари фаолияти самарадорлигини ошириш бўйича комиссияни тугатиш ҳам режалаштирилмоқда.
Маълумот учун, АЖ устав капиталида хорижий инвестор улуши камида 15 фоиз бўлиши ҳақидаги тартиб ҳам 2015 йилда тасдиқланган, бу талабни бажармаган жамиятлар бошқа ташкилий-ҳуқуқий шаклга ўтиши лозим эди.
Изоҳ (0)