Мексиканинг Тулум курорт шаҳрида тўрт нафар АҚШ фуқаросининг жасади топилди. Аниқланишича, уларнинг барчаси бир оиланинг аъзоси бўлган. Бу ҳақда New York Post’га таяниб, «Газета.ru» хабар берди.
Нашр маълумотларига кўра, ота, она ҳамда 7 ва 12 ёшли икки нафар болакайнинг жасади Тулумдаги туристик комплексдан топилган. Мексика полицияси марҳумлар танасида зўравонлик изларини топмади.
Айни вақтда мазкур оила Мексикага 15 мартда келгани маълум, холос. 21 март куни улар АҚШга қайтишни режалаштирган, бироқ бу амалга ошмай қолган. Шундан сўнг оиланинг яқинлари полицияга мурожаат қилган.
Изоҳ (0)