Бристоль қироллик суди судьяси ўз уйида 250 та қўлбола портловчи қурилмани сақлаган эркакни уч йиллик қамоқ жазосига ҳукм қилди. Бу ҳақда «РИА Новосри» хабар берди.
Рико Фернандес исмли 29 ёшли эркак бомбалар билан бирга, уйида ўқ-дорилар учун контейнерлар, бронежилетлар, шунингдек, портловчилар тайёрлаш учун кимёвий моддалар сақлаган.
Ўқ-дори омбори ўтган йилнинг кузида портловчи қурилмалардан бири ишлаб кетган вақтда аниқланган. Портлаш жойида ишлаган ўт ўчирувчилар ва полициячилар уйни кўздан кечирган ва қўшниларни эвакуация қилган. Фернандеснинг ўзи портлаш оқибатида кучли куйган ва икки ҳафтани касалхонада ўтказган.
Маълум қилинишича, Фернандеснинг террористик мақсадлари бўлмаган, у шунчаки портловчи моддаларга қизиққан. Портлаш эса тасодифан юз берган.
Изоҳ (0)