22 мартдан ёзги мавсум учун «Тошкент—Бишкек—Рибачье—Тошкент» йўналиши бўйича темир йўл алоқаси ишга туширилди, деб хабар берди «Газета.uz».
«Ўзбекистон темир йўллари» АЖ матбуот хизматининг маълум қилишича, Иссиқкўл қирғоғигача ҳафтанинг пайшанба кунлари Тошкент Марказий вокзалидан 20:50 да йўлга чиқилади.
Йўлга 25 соат-у 39 дақиқа сарфланади. Бишкекка поезд 16:03 да етиб боради, Рибачье (Балиқчи) посёлкасига эса — 22:29 да. Тошкентга поезд шанба куни 1:59 да отланиб, якшанба куни 5:30 да пойтахтга етиб келади.
300 йўловчига мўлжалланган поезд биринчи класс (СВ-ётоқли вагон), 5 купе, 2 та плацкарт ва вагон-ресторанни ўз ичига олади.
Аввалроқ 2018 йилдан Тошкентдан Иссиқкўл бўйидаги Рибачье шаҳрига йўловчи поездлар қатнови йўлга қўйилиши режалаштирилаётгани ҳақида хабар берилган эди.
Изоҳ (0)