Янги мавсум бошланиши муносабати билан боғда йирик кўнгилочар дастур ташкил этилади. 25 март, якшанба куни Disneyland номи билан танилган пойтахтнинг кўнгилочар боғи — «Тошкентленд» янги мавсумда ўз ишини бошлайди.
Боғнинг очилиши ҳамда баҳорнинг гўзал байрами Наврўзни нишонлаш муносабати билан 25 март куни сизларни ажойиб шоу, кўнгилочар дастур, болалар эртакларидаги энг севимли қаҳрамонлар, рақс, ашула, ютуқли ўйинлар, байрамона мазали сумалак ва кўплаб қизиқарли лаҳзалар кутмоқда!
«Бу йил биз мунтазам равишда аниматорларни жалб этган ҳолда мавзуга оид тадбирлар ва махсус дастурлар, кўплаб кўнгилочар шоуларни ташкиллаштириш, шунингдек, ноодатий квестлар ва бир қатор мавзуга оид ҳодисаларни ташкиллаштиришни режалаштирганмиз. Мақсадимиз — болаларга ҳайратланарли таассуротларни ва ҳақиқий байрам ҳиссини ҳадя этишдир», — дея «Тошкентленд» ва Аквабоғни ўз бошқарувига олган янги жамоа директори Саидахрор Қодиров ўз фикрлари билан ўртоқлашди.
Режалаштирилган тадбирлар ҳақида оммани хабардор қилиш учун боғ маъмурияти Facebook ва Instagram ижтимоий тармоқларида саҳифалар очишди.
Боғ иш тартиби: соат 10:00 дан 22:00 га қадар, дам олиш кунларисиз.
Чипталарни олдиндан, 24 март куни соат 10:00 дан 19:00 гача «Тошкентленд» кассаларидан харид қилиш мумкин.
Хизматлар ҳақи
Катталар учун: 30 000 сўм
Болалар учун: 15 000 сўм (3 ёшдан 12 ёшгача)
3 ёшгача бўлган болаларга боққа кириш бепул.
Чипталарни харид қилгач, меҳмонлар боғда бутун кун давомида юришлари ва аттракционлардан чегараланмаган тарзда фойдаланишлари мумкин.
Боғланиш учун телефон: 146-50-00
Манзил: Амир Темур кўчаси, 107.
Мўлжал: Аквабоғ, ТАТУ, Телеминора
Реклама ҳуқуқи асосида!
Изоҳ (0)