Ҳиндистонда 18 ёшли қиз ўз смартфони портлаб кетиши оқибатида ҳалок бўлди. Маълумотларга кўра, қиз смартфонни қувватлантириш пайтида у орқали сўзлашаётган бўлган. Бу ҳақда The Daily Mail нашрига таяниб, «Газета.ru» хабар берди.
Таъкидланишича, нохуш ҳодиса Одиша штатида содир бўлган. Қиз телефонини қувватлантиришга қўйган ва шундан сўнг кимгадир қўнғироқ қилган. Портлаш оқибатида унинг қўли, кўкраги ва оёғи жароҳат олган. У шифохонага олиб келинганида хушсиз бўлган ва кўп ўтмай вафот этган.
Айни вақтда портлашга нима сабаб бўлгани аниқланмоқда.
Изоҳ (0)