Дональд Трамп ва Ким Чен Ин қаерда учрашиши маълум қилинди

АҚШ президенти Дональд Трамп ва КХДР етакчиси Ким Чен Иннинг учрашуви Пхеньянда бўлиб ўтади. Бу ҳақда «Известия» ушбу музокараларда воситачи ролини ўйнаётган Жанубий Корея ҳукуматидаги манбаларига таяниб хабар берди.

Корея Республикаси бирлашув вазирлигида бундай танловни учрашувга айнан Ким Чен Ин ташаббускорик қилгани билан изоҳлашмоқда. Бундан ташқари, Шимолий Корея раҳбарияти Россия ва Хитойдан бошқа чет мамлакатларга анча вақтлардан буён бормайди.

Яна бир жой Корея ярим оролидаги қуролсизлантирилган ҳудуд ёки Жанубий Корея бўлиши мумкин, аммо манбалар даъво қилишича, КХДР ҳудудида учрашиш айни пайтда бирламчи вариант сифатида кўриб чиқилмоқда.

Ким Чен Ин Трампга мамлакатлар ўртасида дипломатик алоқалар ўрнатишни таклиф қилиши кутилмоқда.