Donald Tramp va Kim Chen In qayerda uchrashishi ma’lum qilindi

AQSh prezidenti Donald Tramp va KXDR yetakchisi Kim Chen Inning uchrashuvi Pxenyanda bo‘lib o‘tadi. Bu haqda “Izvestiya” ushbu muzokaralarda vositachi rolini o‘ynayotgan Janubiy Koreya hukumatidagi manbalariga tayanib xabar berdi.

Koreya Respublikasi birlashuv vazirligida bunday tanlovni uchrashuvga aynan Kim Chen In tashabbuskorik qilgani bilan izohlashmoqda. Bundan tashqari, Shimoliy Koreya rahbariyati Rossiya va Xitoydan boshqa chet mamlakatlarga ancha vaqtlardan buyon bormaydi.

Yana bir joy Koreya yarim orolidagi qurolsizlantirilgan hudud yoki Janubiy Koreya bo‘lishi mumkin, ammo manbalar da’vo qilishicha, KXDR hududida uchrashish ayni paytda birlamchi variant sifatida ko‘rib chiqilmoqda.

Kim Chen In Trampga mamlakatlar o‘rtasida diplomatik aloqalar o‘rnatishni taklif qilishi kutilmoqda.