Murad Buildings Сингапурнинг жаҳонга машҳур DPA компанияси билан ҳамкорликда пойтахт Тошкент шаҳрида 40 қаватли иншоот қуради. Tashkent City лойиҳаси доирасида қад кўтарувчи бу бино Ўрта Осиёнинг энг баланд иншооти бўлиши кутилмоқда. 28 февраль куни старт берилган WorldBuild Tashkent – 2018 XIX халқаро кўргазмасида ушбу бинонинг макетлари намойиш этилди.
Компания раҳбари Мурод Назаровнинг сўзларига кўра, янги бино беш юлдузли меҳмонхона, офис ва ресторанларни ўз ичига олиб, унинг том қисмида шаҳарни кузатиш майдончаси жойлашади. Ўзбекистоннинг истаган фуқароси у ерга чиқиб, қуш парвози баландлигидан шаҳарнинг ажиб гўзаллигини томоша қилиши, меҳмонлар ва сайёҳлар билан биргаликда завқ олиши мумкин.
Шунингдек, осмонўпар иншоот қурилишида Тошкент шаҳрининг сейсмик фаоллиги инобатга олинмоқда. Шу боис унинг конструкциясига япониялик мутахассислар жалб этилмоқда, зеро улар бу борада катта тажрибага эга.
Tashkent City лойиҳасини амалга ошириш муддати 4 йил этиб белгиланган бўлса-да, Murad Buildings бинонинг қурилишини 3 йилда тугаллашни режалаштирмоқда. Қурилиш ишлари шу йилнинг май ойига режалаштирилган, ҳозирда лойиҳалаштириш ишлари олиб борилмоқда.
Murad Buildings билан янги Тошкент, янги бахт сари қадам қўямиз!
Реклама ҳуқуқи асосида.
Изоҳ (0)