Жорий йилнинг 25—26 февраль кунлари узлуксиз давом этган ёғингарчилик оқибатида Бухоро шаҳри, хусусан, эски шаҳар ҳудудидаги «Арк» мажмуаси, «Зиндон», «Чорминор», «Баланд» масжиди, Ғиждувон кўчаси ҳамда Турки-Жанди маҳалласидаги кўчаларида катта сув кўлмаклари ҳосил бўлди. Бу ҳақда ФВВ матбуот хизмати маълум қилди.
Бухоро вилоят ФВБ қутқарувчилари вилоят ободонлаштириш бошқармаси, ИИБ ЁХБ ҳамда «Сувоқава» ДУК куч-воситалари ёрдамида ушбу табиий ҳодиса оқибатларини бартараф этиш ишларини олиб борди.
Қайд этиш жоизки, Вазирлар Маҳкамасининг 2017 йил 28 майдаги қарори доирасида Бухоро шаҳрида сув оқава тизимларини таъмирлаш бўйича комплекс чора-тадбирлар режаси ишлаб чиқилган бўлиб, унда 2018—2020 йилларда носоз ҳолга келган, таъмирталаб сув оқава тизимини янгилаш бўйича ишлар бажарилиши белгилаб қўйилган.
Мазкур тадбирлар оқава сувлари йиғилишининг олдини олишга қаратилган.
Изоҳ (0)