12—18 февраль кунлари Тошкент, Самарқанд ва Бухоро шаҳарларида иккинчи Ўзбекистон — Россия ёшлари форуми ташкил этилди, деб хабар беради «Ўзавтосаноат» АЖ матбуот хизмати.
Форум давомида «Ўзавтосаноат» АЖ тизимидаги таълим муассаса ва корхоналарида амалга оширилаётган ишлар билан яқиндан танишиш мақсадида россиялик ёшлар Тошкентдаги Турин политехника университети, Самарқанддаги JV Man Auto-Uzbekistan МЧЖ қўшма корхонаси ҳамда UzAutoТrailer МЧЖга ташриф буюрди.
«Меҳмонлар Ёшлар иттифоқи бошланғич ташкилотнинг фаолияти билан яқиндан танишиб, ахборот-ресурс маркази ҳамда талаба ёшларининг техник ишланмалари ва лойиҳаларини кўздан кечирдилар. Талаба ёшларнинг инновацион техник ишланмалари меҳмонларда катта қизиқиш уйғотди», — дейилади хабарда.
Форум доирасида икки давлат ёшлари ўртасида ўзаро мулоқот, тажриба алмашиш муҳитини яратиш, тадбиркорлик, туризм соҳаларини ривожлантириш истиқболлари, ёшлар ташкилотлари ўртасидаги ҳамкорликни кучайтириш масалалари муҳокама қилинди.
Изоҳ (0)