Ўзбекистон Президенти Шавкат Мирзиёев Бухоро вилоятига ташрифи давомида қоракўлчиликни ривожлантириш масаласига алоҳида эътибор қаратди. Президентнинг вилоятдаги қоракўлчилик бўйича лойиҳалар билан танишуви лавҳалари «Ўзбекистон 24» телеканалида кўрсатилди.
Президент бу соҳада йўқолиб бораётган наслчилик ва тажрибани қайта тиклаш зарурлигини таъкидлади. «Қоракўлчилик бўйича институт ва жамғарма, Бухорода завод ташкил этиш юзасидан топшириқлар берди», — дейилади Президент матбуот хизмати хабарида.
Бухоро вилоятида қоракўлчиликка мойиллик бор. Бу ерда ота-боболардан қолган қоракўлчилик илми, шароити ҳам бўлган. Оддий масалаларни кўтарсак, эртага қоракўлчиликни ҳам тикласак бўлади. Бир вақтлар қандай бренд эди бу. Териси ҳам, гўшти ҳам пул.Илмсиз қоракўлчиликни ривожлантириб бўлмайди. Шунинг учун, 20—30 миллиард сўмлик фонд қилинглар, шошилмасдан, аввалига қоракўлчилик институти, илми, яйловлари, тақсимоти лойиҳаларини фақат Бухоро вилояти бўйича тайёрланглар.
Бухорода катта қоракўлчилик заводини ташкил этиш керак. Ўша заводнинг ўзи қоракўлнинг ҳамма нарсасини тарқатувчи ҳам бўлсин.
Шавкат Мирзиёев, Ўзбекистон Президенти
Изоҳ (0)