Андижон вилоятининг Булоқбоши туманида 18 февраль, соат 04:55да «Кўприкбоши» МФЙ, «Пайваста» кўчаси, 75-уйда яшовчи, 1959 йилда туғилган А.Мирзаевнинг уйида ёнғин содир бўлди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси маълум қилди.
Ёнғин оқибатида уйнинг 30 квадрат метр майдонида томи, шифти ва уй жиҳозлари ёниб, зарар кўрди. Уни ўчириш чоғида А.Мирзаевнинг ўғли, 1985 йилда туғилган Д.Мирзаевнинг жасади топилди.
Шу куни Самарқанд вилоятининг Паяриқ туманида соат 11:50 ларда У.Юсупов кўчаси, 20-уйда яшовчи, 1969 йилда туғилган Ф. Бўроновнинг уйида ҳам ёнғин содир бўлди.
Кўрилган чоралар натижасида ёнғин ўчирилди. Офат туфайли уйнинг 40 квадрат метр майдонида шифт қисми ва уй жиҳозлари ёниб кетди. Ф.Бўроновнинг уйида меҳмонда бўлган набираси, 2017 йилда туғилган А.Аҳмадовнинг жасади топилди.
Изоҳ (0)