ОЧЛ. Рўзиқул Бердиев бошқарувидаги «Насаф» Қарши шаҳрида Амирликларнинг «Ал-Васл» клубини таслим қилди

Қаршининг «Насаф» клуби Чемпионлар Лигаси гуруҳ босқичининг 2-турида «Ал-Васл» устидан зафар қучди.

Беллашув тақдирини «Насаф»нинг легионер футболчилари ҳал қилди. 57-дақиқада Славко Лукич бурчак зарбасини амалга оширган бўлса, учиб келаётган тўпни ҳимоячи Игорь Голбан боши билан дарвозага жойлаб қўйди. Шу тариқа Қарши клуби ўз ҳисобига 3 очко ёзиб қўйди.

«Насаф» гуруҳ босқичидаги илк ўйинни Эронда «Персеполис»га қарши ўтказиб, 0:3 ҳисобида имкониятни бой берганди. Ўз навбатида «Ал-Васл» клуби ҳам илк турни «Ас-Садд»га қарши ўтказиб, имкониятни бой берганди — 1:2.

Гуруҳдаги 3-турни Рўзиқул Бердиев шогирдлари 5 март куни ўтказади. Шу куни Қаршида испаниялик машҳур футболчи Хави тўп сурадиган Қатарнинг «Ас-Садд» клуби меҳмон бўлади.

Эрондаги мағлубият сабаб «Локомотив» Чемпионлар Лигаси гуруҳ босқичида 3-ўринга тушиб кетди

«Насаф» — «Ал-Васл» (БАА) 1:0

«Насаф»: Санжар Қувватов — Славко Лукич, Игорь Голбан, Умар Эшмуродов, Сайдулло Раҳматов, Одил Ҳамробеков, Азиз Ғаниев, Ислом Кенжабоев (Ислом Рашидхонов, 55), Драган Черан, Жасур Ҳасанов (Дониёр Нарзуллаев, 82), Бобур Абдихолиқов (Санжар Рашидов, 93+).