Осиё Чемпионатининг чорак финалида турган Ўзбекистон футзал терма жамоаси бугун — 8 февраль куни ярим финал йўлида саф тортади. Рақиб — Вьетнам термаси.
Гуруҳ босқичини «А» зонасида ўтказган вьетнамлик футзалчилар 6 очко билан пешқадам бўла олганди. Улар илк турда кутилмаганда Малайзияга имкониятни бой бериб қўйди — 1:2. Кейинроқ Баҳрайн шу ҳисобда мағлуб этилди ва сўнгги турда мезбон Хитой Тайпейи 3:1 ҳисоби билан маҳф қилинди. Вьетнамни таслим қила олган малайзиялик футболчилар гуруҳ босқичини 3 очко билан сўнгги ўринда якунлади.
Ўзбекистон терма жамоаси ҳам гуруҳ босқичида 6 очко тўплади. Жанубий Корея устидан 13:2 ҳисобида зафар қучган футзалчилар, кейинроқ Тожикистондан устун келди — 4:2. Сўнгги тур эса Японияга имконият бой берилди — 2:4. Бу натижа пешқадам бўлиш учун камлик қилди.
Ўзбекистон — Вьетнам ўйини Тошкент вақти билан 16:00 да старт олади ва Sport-TV каналида жонли намойиш этилади. Параллел ўйинда Япония футзалчилари Баҳрайн билан кураш олиб боради. Шунингдек, 13:00 да чорак финалнинг яна икки ўйини бор. Унда Эрон Таиландни синовдан ўтказса, сўнгги жуфтликда Ливан ва Ироқ термалари ўзаро ҳисоб-китоб қилади.