Миллий олимпия қўмитаси президенти Умид Аҳмаджонов 9 февраль куни қишки Олимпиаданинг очилиш маросимида иштирок этади. Мазкур тадбирда қатнашиш мақсадида Аҳмаджонов Жанубий Кореянинг Пхёнчхан шаҳрига етиб келди.
Қишки Олимпиадада Ўзбекистон шарафини икки нафар спортчи ҳимоя қилади. Яқиндагина делегацияни Пхёнчханга жўнатиш олдидан тадбир ўлказилганди. Кеча — 6 февраль куни футбол бўйича жаҳон кубогининг тақдимот маросимида иштирок этган МОҚ президенти, шу куннинг ўзидаёқ қишки Олимпиада делегацияси билан бирга йўлга чиққан. Миша Ге 10 февралдан сўнг Жанубий Кореяга АҚШ орқали етиб келади.
МОҚ матбуот хизматининг маълум қилишича, эртага — 8 февраль куни Пхёнчхандаги олимпия шаҳарчасида Ўзбекистон байроғини кўтариш маросими ўтказилади. Аҳмаджонов унда ҳам бевосита иштирок этади.
ЎФА ҳамда МОҚдаги қатор юмушлари борлиги сабаб Аҳмаджонов 13 февралга қадар Тошкентга қайтиб келишни режалаштирган.
Изоҳ (0)