МОҚ президенти Умид Аҳмаджонов раҳбарлигида Жанубий Кореянинг Пхёнчхан шаҳрига етиб борган қишки Олимпиада бўйича Ўзбекистон делегацияси мусобақаларга тайёр. Бу ҳақда ташкилот матбуот хизмати хабар берди.
Қишки Олимпиадада Ўзбекистон шарафини икки спортчи ҳимоя қилади. Комил Тўхтаев аллақачон олимпия шаҳарчасига етиб келган бўлса, айни пайтда АҚШда ўқув-машғулот йиғинларини давом эттираётган Миша Ге Жанубий Кореяга 11 февраль куни етиб боради.
Ге 16 февраль куни Gangneung Ice Arena муз саройида фигурали учишнинг қисқа дастурида чиқиш қилади, 17 февралда эса эркин дастурда ўз омадини синаб кўради.
Комилжон Тўхтаев 18 февраль куни тоғ чанғисининг гигант слалом баҳсларида иштирок этади. 22 февралда уни слалом бўйича мусобақа кутиб турибди. Тоғ чанғиси бўйича беллашувлар Yongpyong Alpine Centre мажмуасида бўлиб ўтади.
Эртага — 8 февраль куни Миллий олимпия қўмитаси президенти Умид Аҳмаджонов бошчилигидаги делегация Олимпия шаҳарчасида Ўзбекистон байроғини кўтариш расмий маросимида иштирок этади. 9 февраль куни эса Пхёнчханда XXIII қишки Олимпиаданинг тантанали очилиш маросими ўтказилади. Мазкур тадбирда ҳам МОҚ президенти бевосита қатнашади.
Изоҳ (0)