Испания Ла Лигасининг 22-турига келиб Мадриднинг «Реал» клуби яна бир бор очко йўқотди. Шу тариқа «Қироллик клуби» мавсум бошидан буён 10-ўйинни ўз фойдасига ҳал қила олмади.
«Қурбақалар» номи билан юритиладиган «Леванте» меҳмони бўлган мадридлик футболчилар сўнгги дақиқаларда ғалабани қўлдан чиқарди. Бунгача Зидан бошчилик қилаётган жамоа кетма-кет икки турни йирик ғалабалар билан якунлашга эришганди — «Депортиво» 7:1 ва «Валенсия» 4:1. Испания Кубогидан чиқиб кетгани етмаганидек, жамоа энди Ла Лигадаги муваффақиятни ҳам хавф остига қўйиб улгурди.
Ҳар икки мусобақа ғолиблиги учун асосий даъвогар бўлиб турган «Барселона» бугун Каталония дербисида ўйнайди. Кубокнинг чорак финалида «Эспаньол» ўз уйида «Барса»ни енгишга муваффақ бўлганди. Бугун клуб ўша ишни Ла Лига доирасида ҳам такрорлашга уриниб кўради.
Турнинг марказий ўйинида эса кумуш медаллар учун кураш олиб бораётган «Атлетико» ва «Валенсия» клублари ўзаро тўқнаш келади. Томонларнинг «Месталя» стадионида кечган ўйинида ҳисоб очилмаганди — 0:0.
Монтелла бошчилик қилаётган «Севилья» Испания Кубогининг финалига яқин турган бўлса-да, Ла Лигада кеча йирик мағлубият қабул қилиб олди.
Испания Ла Лигаси 22-тур беллашувлари 2 февраль, жума
«Реал Сосьедад» — «Депортиво» 5:0
Голлар: Виллиан, 32 (1:0). Асиер Ильярраменди, 62 (2:0). Серхио Каналес, 75 (3:0). Ариц Элустондо, 82 (4:0). Асиер Ильярраменди, 89 (5:0).3 февраль, шанба
«Эйбар» — «Севилья» 5:1
Голлар: Кике, 1 (1:0). Фабио Орельяна, 17 (2:0). Пабло Сарабия, 21-пен (2:1). Иван Рамис, 32 (3:1). Фаби Орельяна, 61 (4:1). Анаиц Арбилья, 83 (5:1).«Бетис» — «Вильярреал» 2:1
Голлар: Лорен, 47+ (1:0). Лорен, 65 (2:0). Карлос Бакка, 80-пен (2:1).Четлатиш: Даниэле Бонера, 31 (V).«Алавес» — «Сельта» 2:1
Голлар: Педраса, 4 (1:0). Мунир Эл-Хаддади, 18 (2:0). Яго Аспас, 91+ (2:1).«Леванте» — «Реал Мадрид» 2:2
Голлар: Серхио Рамос, 11 (0:1). Эммануэль Боатенг, 42 (1:1). Иско, 81 (1:2). Жампаоло Паццини, 89 (2:2).4 февраль, якшанба«Хетафе» — «Леганес» 16:00«Эспаньол» — «Барселона» 20:15«Жирона» — «Атлетик» 22:30«Атлетико» — «Валенсия» 00:45
5 февраль, душанба«Лас-Пальмас» — «Малага» 01:00
Изоҳ (0)