Дунёнинг энг чиройли университетлари (фотогалерея)

Times Higher Education журнали дунёнинг энг чиройли университетлари рўйхатини тузди, деб ёзади National Geographic.

1-ўрин: Болонья университети

Италиянинг Болонья университети дунёнинг энг қадимги университети ҳисобланади. Унга 1088 йилда асос солинган.

2-ўрин: Саламанка университети

Испаниядаги Саламанка университети мамлакатдаги энг қадимий университет ҳисобланади. Унга 1134 йилда асос солинган. У хорижий талабалар учун курсларни таклиф қилган биринчи ўқув муассасаси бўлган.

3-ўрин: Коимбра университети

1290 йилда асос солинган Коимбра университети Португалияда тепалик ёнбағрида жойлашган. Юқоридан Коимбра шаҳри манзараларини кўриш мумкин.

4-ўрин: Росток университети

Росток университети Германиянинг энг қадимий университетларидан бири ҳисобланади. Биноларидан аксарияти готика услубида барпо этилган.

5-ўрин: Орхус университети

Орхус университети Даниянинг катталиги бўйича иккинчи ўринда турадиган шаҳрида жойлашган. Мазкур университет инсон ижоди ва табиат яратган нарсалар уйғунликда мавжуд бўлишининг ёрқин тимсолидир.

6-ўрин: Гданьск политехника университети

Гданьск технология университети кампуси бир нечта архитектура услубларида қурилган. Унинг бош биноси (қуйироқдаги суратда) янги ренессанс услубида лойиҳалаштирилган ва университетнинг энг машҳур биноларидан ҳисобланади.

7-ўрин: Уппсала университети

Уппсала университети архитектор Герман Теодор Холмгрен томонидан роман услубида лойиҳалаштирилган.

8-ўрин: Гренобль университети — Альплар

Франциянинг Гренобль шаҳрида жойлашган университет Альп тоғлари рўпарасида жойлашган. Кампус ҳудуди 175 гектар майдонни эгаллаган.

9-ўрин: Тринити-коллеж (Дублин)

Дублиндаги Тринити-коллежига 1592 йилда асос солинган. Коллеж биносида бир неча марта фильмлар суратга олинган.

10-ўрин: М.В.Ломonosов номидаги Москва давлат университети

Москва университети Россиянинг қадимий университети ҳисобланади. Унга 1755 йилда асос солинган.