Овқатлардан заҳарланиш: фалокат қайси томондан келади?

Овқатлардан заҳарланиш — кенг тарқалган, лекин, шунга қарамасдан, ёқимсиз, баъзан эса жуда хавфли муаммо ҳисобланади. Зарaр келтирувчи микроблар билан заҳарланган одамларда ҳеч қандай аломатлар юзага чиқмаслиги ёки аломатлар қориндаги енгил ноқулайликдан бошланиб қаттиқ сувсизланиш ва қон кетиш ҳолатларига айланиши мумкин. Қандай қилиб бу фалокатларнинг олдини олиш мумкин?

Листерия

Хом сабзавотлар ва мевалар

Листерия бактериялари янги сабзавот ва меваларни бузиши мумкин. Масалан, бузилган қовун таъсирида заҳарланишдан 2 кун ёки 2 ойдан кейин ҳарорат кўтарилиши, мушакларнинг  оғриши, меъданинг бузилиши ва диарея ҳолатлари билан юзага чиқади.

Қандай ҳимояланиш керак: Кесишдан олдин янги сабзавот ва меваларни яхшилаб ювинг, кейин эса қуритинг. Уларни совитгичда +5 ° С ва пастроқ ҳароратда сақланг. Қовун теккан ҳамма жойларни ювинг!

Пастеризация қилинмаган сут маҳсулотлари

Пастеризация қилинмаган сутдан тайёрланган маҳсулотлар, шу жумладан йогурт ва юмшоқ пишлоқлар таркибида листерия бактериялари бўлиши мумкин. Модомики листерия паст ҳароратларда ҳам яшаши мумкин экан, бу озиқ-овқатларни совитгичда сақлаш уни йўқота олмайди.

Қандай ҳимояланиш керак: Ёрлиқларини текширинг. Маҳсулот пастеризация қилинганига ишонч ҳосил қилинг.

Салмонелла

Товуқ гўшти ва тухум

Салмонелла бактериялари ҳеч қайси озиқ-овқатлардан тап тортмайди, лекин ҳайвонлардан олинадиган озиқ-овқатлар кўпроқ заҳарланиш хавфини туғдиради. Товуқларда тухумларнинг заҳарланиши ҳали пўчоқлари шаклланмасдан олдин юз бериши мумкин, шунинг учун ҳатто янги ва тоза тухумлар ҳам салмонелла билан заҳарланган бўлиши мумкин. Одамда заҳарланиш аломатлари бактерия билан алоқадан 12—72 соатдан кейин қориндаги спазма, юқори ҳарорат ва диарея кўринишида намоён бўлади. Касаллик 4—7 кун давом этиши мумкин.

Қандай ҳимояланиш керак: ҳеч қачон хом ёки яхши пиширилмаган тухумларни еманг. Тайёрлаш вақтида товуқ гўштининг ҳарорати +75C га етиши керак. Хом товуқ гўштига пишган гўштни ва бошқа озиқ-овқатларни тегизманг. Хом товуқ гўшти билан контактдан кейин қўлларингизни, ишлов бериладиган тахталарни, ошхона жиҳозларини ва юзаларни ювинг.

Манба: «Zdorovie.com»