Кобулда содир этилган теракт қурбонлари сони 103 кишига етди, яна 235 киши жароҳат олди. Бу ҳақда Афғонистон ИИВга таяниб, TOLOnews маълум қилди, дея хабар беради «ТАСС».
Олдинроқ 95 киши ҳалок бўлгани, 163 киши яралангани билдирилганди.
Террорчи-худкуш 27 январь куни ичига портловчи модда жойлаштирилган автомобилни Афғонистон пойтахтидаги ҳукумат даҳаси яқинида портлатиб юборди. Портлаш Хавфсизлик бўйича миллий дирексия биноси ва Ҳиндистон элчихонаси яқинида юз берди.
Теракт учун жавобгарликни «Толибон» ҳаракати ўз зиммасига олди. Мамлакатда миллий мотам эълон қилинди.
Шавкат Мирзиёев шу муносабат билан Ашраф Ғанига ҳамдардлик билдирди.
Изоҳ (0)