Америкалик болалар шифокори, «Бола ва уни парвариш қилиш» номли бестселлер муаллифи, доктор Спок бир неча авлод ота-оналарига катта ёрдам кўрсатди.
«Агар ота-оналар ҳамма вақтини болага бағишласа, доимий равишда фақат унинг ташвишини чекса, улар атрофдагилар учун ҳам, ҳатто бир-бири учун ҳам қизиқарсиз бўлиб қолади.
Улар боланинг дастидан ўзининг тўрт девор ичида қамалиб қолганидан шикоят қилади, гарчи бунда уларнинг ўзи айбдор бўлса ҳам.
Маълум бир даражада биринчи ҳомиладорлик беғам ёшликнинг тамом бўлганини билдиради. Аёл бола туғилгандан кейин унинг ўйин-кулгилари жуда чекланган бўлишини тушунади.
Лекин, агар ота-она болалардан бирига нисбатан чидамсизлиги учун ўзини айбдор ҳис қилса, бу бола билан бўладиган кейинги муносабатларда пайдо бўладиган қийинчиликларнинг сабабига айланади.
Болага сизнинг аччиқланишингиздан кўра, ота-онасининг унинг олдидаги айбдорлик ҳиссини кўтариш анча оғирроқ бўлади.
Отада вақти-вақти билан хотинига ва фарзандига нисбатан аралаш ҳиссиёт пайдо бўлишига ажабланмаса ҳам бўлади.
Лекин эр ўзидан кўра хотинига анча қийинроқ эканлигини унутмаслиги керак.
Фарзандингиз қандай бўлса, шундайлигича севинг, ва унда йўқ сифатлар ҳақида унутинг.
Мен бу маслаҳатларни тажрибалардан келиб чиққан ҳолда бераяпман. Гап шундаки, қандай бўлса шундайлигича севилган бола, ўз кучига ишонган ва ҳаётни севадиган одам бўлиб етишади.
Тарбиянинг натижаси қаттиққўллик ёки мулойимлик даражасига эмас, балки сизнинг болага бўлган туйғуларингиз ва сиз унга сингдираётган ҳаётий қоидаларга боғлиқ.
Онасидан ажралишдан қўрқадиган бола, онасининг ҳам бу айрилиққа қайғуриши ёки қайғурмаслигига жуда синчковлик билан муносабатда бўлади.
Баъзан, болага ундан қандай жаҳлингиз чиққанини тан олишингиз ёрдам беради. Агар сиз буни оқилона тарзда амалга оширсангиз, бу тан олиш сизнинг обрўйингизни туширмайди.
Бола ёлғончи бўлиб туғилмайди.
Агар у кўп ёлғон гапирса, демак нимадир унга ҳаддан ташқари кучли босим ўтказаётган бўлади.
Агар у яхши ўқимаётган ва шунинг учун ёлғон гапираётган бўлса, гап уни ўқишнинг ташвишлантирмаслигида эмас. Ёлғон, бу уни жуда қаттиқ ташвишлантираётганидан дарак беради».
Манба: «Detstrana.ru»
Изоҳ (0)