Испания Ла Лигасининг 18-турига келиб мамлакатнинг амалдаги чемпиони «Реал» яна бир бор очко йўқотди.
Вигода «Сельта» меҳмони бўлган «Қироллик клуби» 2:2 ҳисобидаги дуранг натижага имзо чекди. Шу куни мезбонлар сафида Яго Аспас пенальтидан аниқ фойдалана олганида, «Реал» Мадридга мағлубият билан қайтиши ҳам мумкин эди. Мазкур беллашувда Гарет Бэйл дубл қайд этгани эътиборга молик.
4 январь куни мазкур стадионда Каталониянинг «Барселона» клуби Испания Кубоги доирасида майдонга тушиб, «Сельта» билан 1:1 ҳисобида дуранг ўйнаганди. Шу мавсумнинг ўзида виголиклар «Барселона» билан икки бор дуранг ўйнади. Томонларнинг Ла Лига доирасидаги «Камп Ноу»да кечган ўйинида 2:2 ҳисоби қайд этилганди.
«Барселона»нинг ўзи мазкур турда ёрқин ғалабани қўлга киритиб, «Леванте» дарвозасига жавобсиз 3 та гол уришга муваффақ бўлди. Лига тўпурари Месси 1 та гол уриб, Поулиньо томонидан урилган голга узатмани амалга ошириб берди.
Коста «Атлетико»да яна гол урди ва қизил карточка олди. Монтелла Ла Лигадаги илк ўйинидаёқ «тарсаки еди»
Испания Ла Лигаси 18-тур беллашувлари 7 январь, якшанба«Леганес» — «Реал Сосьедад» 1:0
Гол: Габриэл, 75 (1:0).«Барселона» — «Леванте» 3:0
Голлар: Лионель Месси, 12 (1:0). Луис Суарес, 38 (2:0). Паулиньо, 93+ (3:0).«Вильярреал» — «Депортиво» 1:1
Голлар: Энес Унал, 30 (1:0). Флорин Андоне, 84 (1:1).«Атлетик» — «Алавес» 2:0
Голлар: Хабер Эхейта, 8 (1:0). Ариц Адурис, 64-пен (2:0).«Сельта» — «Реал Мадрид» 2:2
Голлар: Даниэль Васс, 33 (1:0). Гарет Бэйл, 36 (1:1). Гарет Бэйл, 38 (1:2). Максимилиано Гомес, 82 (2:2).Ноаниқ пенальти: Яго Аспас, 72 (С).8 январь, душанба«Малага» — «Эспаньол» 01:00
Изоҳ (0)