Netflix компанияси «Қора кўзгу» сериали тўртинчи мавсуми учун промо-роликни чиқарди. Роликда Россия президенти Владимир Путин АҚШ фуқароларини Янги йил билан табриклагани акс этган, деб хабар беради TJournal.
Сервис Путиннинг 2016 йил 31 декабрдаги россияликларга мурожаатидан фойдаланган. Дубляж чоғида Путин рус тилида «ҳурматли Россия фуқаролари» деган сўзлар «ҳурматли АҚШ фуқаролари» деб таржима қилинган.
Netflix эълон қилган промо сериалнинг олдинги қисмларидан ҳамда реал воқеалардан олинган видеолавҳалар монтажидан иборат. Путиндан ташқари, роликда Марк Цукерберг ҳамда Оқ Уйнинг собиқ матбуот котиби Шон Спайсер кўрсатилган.
Изоҳ (0)