Forbes журнали Голливуд актёри Марк Уолбергни 2017 йилнинг ортиқча баҳо бериб юборилган актёри деб топди. Бу ҳақда TJournal хабар бермоқда.
Рейтинг муаллифлари унинг иштирокидаги фильмлар муваффақиятсизликка учраганини, лекин у айни пайтда катта маош олишда давом этаётганини таъкидлаб ўтди.
Рейтингга кўра, 2017 йили Уолберг «Салом, ота, Янги Йил! 2» ва «Трансформерлар: Сўнгги рицарь» фильмларидан 68 миллион доллар ишлаган. Rotten Tomatoes танқидий ресурсида биринчи фильм рейтинги 100 дан 18 ни, иккинчисиники эса 100 дан 15 ни ташкил этди.
2015 ва 2016 йилларда ортиқча баҳо бериб юборилган актёр деб Жонни Депп топилган эди.
Изоҳ (0)