Голливуд режиссёри Стивен Спилбергнинг Эрнст Клайн романи асосида суратга олинган «Биринчи ўйинчи тайёрлансин» фильмининг илк трейлери эълон қилинди, деб хабар беради TJournal.
Фильм воқеалари 21-асрнинг ўрталарида юз беради. Сюжет бўйича жаҳон иқтисодиёти чуқур инқирозга юз тутади. Инсонлар OASIS виртуал ўйинлар оламида вақт ўтказишни маъқул кўради. Виртуал олам яратувчиси биринчи бўлиб рақамли пасха тухумини топган ўйинчига бир неча миллиард долларни васият қилиб қолдиради.
Фильм жаҳон бўйлаб намойиши 2018 йил 28 март куни бўлиб ўтади. Россиядаги намойиши эса 29 мартга мўлжалланган.
Изоҳ (0)