Тошкентда Киев билан тўғридан-тўғри авиалоқани тиклашга бағишланган навбатдаги музокаралар бўлиб ўтмоқда, деб ёзади «Kommersant.uz». Киев ва Львов шаҳарларига тўғридан-тўғри авиарейсларни йўлга қўйиш режалаштирилмоқда.
Бу ҳақда Ўзбекистоннинг Украинадаги элчиси Алишер Абдуалиев Киев шаҳар маъмурияти раиси Виталий Кличко билан учрашуви якунлари ҳақида Украина нашрига берган интервьюсида айтган.
Элчининг сўзларига кўра, томонлар бу масалага ижобий жиҳатдан ёндашмоқда ва бу борада муросага келиш ниятида.
«Тўғридан-тўғри авиаалоқалар тикланадиган бўлса, икки мамлакат ўртасидаги товар айирбошлаш ва туристик оқим ошади, асосийси талаба ёшлар ва аҳолининг эҳтиёжи қондирилган бўлади», – деган элчи.
Эслатиб ўтамиз, шу йилнинг баҳорида ҳам бу борада музокаралар бўлиб ўтганди.
Изоҳ (0)