Шимолий Кавказ федерал университетининг (ШКФУ) олимлари озиқ-овқат саноатида кадрларни тайёрлаш ва юқори технологик қурилмаларни соҳага йўналтириш бўйича Ўзбекистон корхоналари билан ҳамкорликни йўлга қўйишни режалаштирмоқда, деб хабар берди «ТАСС».
Олий таълим муассасасининг маълумотларига кўра, ҳамкорлик имкониятлари бўйича таклиф Россия делегациясининг Ўзбекистон корхоналарига техник ташрифи давомида қабул қилинган. «Сафарнинг муҳим натижаларидан бири ‘Ўзбекозиқовқатхолдинг’ холдинг компанияси томонидан сут ва озиқ-овқат саноатида кадрларни тайёрлаш ва қайта тайёрлаш, шунингдек, сут маҳсулотларининг сифати ва хавфсизлигини яхшилайдиган замонавий технологиялар ва ускуналарни жорий этиш бўйича корхоналарга маслаҳат бериш таклифи бўлди», — дейилади хабарда.
Таъкидлашича, Россия делегацияси Тошкент ва Самарқанддаги иккита сут корхонасига, сут етказиб берувчи фермага ҳамда Самарқанд вилоятидаги қуритилган меваларни қайта ишлашга мўлжалланган Ўзбекистон — Латвия қўшма корхонасига ташриф буюрган.
«Ўзбекистон сут саноати турли даражадаги 700 дан ортиқ корхоналарни ўзида жамлаган, шу сабабли соҳадаги мутахассисларнинг илмий ва амалий тажрибалари билан ўзаро алмашиниш биз учун жуда муҳим», — дейилади хабарда.
Изоҳ (0)