Алмазбек Атамбаев Қозоғистон билан бир неча шартномани бекор қилиш ҳақидаги қонунни имзолади. Бу ҳақда Қирғизистон президентининг матбуот хизмати маълум қилди, дея хабар беради «РБК».
Жумладан, Евросиё иқтисодий интеграцияси доирасида икки давлат ўртасида ҳамкорликни ривожлантириш ҳақидаги келишув, икки давлат раҳбари ўтган йили Санкт-Петербургда имзолаган техник кўмак ҳақидаги баённома бекор қилинди.
Шунингдек, Қирғизистонга ёрдам тақдим этиш тартиби ва ундан фойдаланишни назорат қилиш ҳақидаги баённома ҳам ҳаракатдан тўхтатилди. Гап Бишкекка 100 миллион доллар ажратилиши ҳақида кетмоқда.
Қирғизистон парламенти 9 ноябрда овоз берган қонун умумий ҳисобда Қозоғистон билан 6 келишув ва баённомани бекор қилади.
Алмазбек Атамбаев Қирғизистон ТИВга қарори ҳақида Қозоғистон расмийларини огоҳлантиришни топширди.
Атамбаев мазкур қонунни мамлакатнинг янги президенти Сооронбай Жээнбеков инаугурациясига бир ҳафта қолганда имзолади.
Изоҳ (0)