Жанубий Корея Сербия билан, Қатар Исландия билан дуранг ўйнади. Япония Бельгиядан енгилди

ФИФА кунларидан унумли фойдаланган Осиё мамлакатлари халқаро ўртоқлик ўйинларида 14 ноябрь куни ҳам майдонга тушди.

Ўтган ҳафта ўз майдонида Колумбияни таслим қилган Жанубий Корея, бу сафар Сербия билан дуранг ўйнади — 1:1. ЖЧ—2018 иштирокчиси бўлган серблар тўрт кун олдин Хитойдан ғалаба билан қайтганди — 2:0. Чин ўлкаси вакиллари эса бу сафар аксинча, Колумбияни меҳмон қилди ва ўз дарвозасидан жавобсиз 4 та гол ўтказиб юборди.

Баҳодир Насимов: Кореянинг ҳатто қуйи лигаси ҳам Ўзбекистон Олий Лигасидан кучли

Қатар термаси гарчи мундиалда иштирок этмаслиги аниқ бўлса-да, ўртоқлик ўйинларига жиддий эътибор берган. Тўрт кун аввал ўзбекистонлик Шерзод Қосимов бошқарган учрашувда Қатар Чехиядан енгилганди — 0:1. Бу сафар Доҳага ташриф буюрган ЖЧ—2018 иштирокчиси Исландия ғалабани қўлдан чиқарди. Қайд этиш керак, исландиялик футболчилар Европа саралашида Украина, Хорватия, Туркия каби термалардан устун бўла олганди.

Рўзиқул Бердиев бошқарувида Ўзбекистон миллий термаси БААга имкониятни бой берди

Япония эса 4 кун ичида икки кучли терма билан куч синашди. Аввалига Бразилиядан 1:3 ҳисобида енгилган кунчиқар юрт термаси, бу сафар Бельгияга имкониятни бой берди — 0:1. Ўйиндаги ягона гол «Манчестер Юнайтед» ҳужумчиси Ромелу Лукаку томонидан урилди. Бельгиянинг ўзи тўрт кун олдин Мексика билан жанговор дуранг ўйнаганди — 3:3.

Осиё етакчилари ФИФА кунларида номдор рақибларга қарши ўйнамоқда. Ўзбекистон-чи?

Жанубий Корея — Сербия 1:1

Голлар: Адам Льяич, 59 (0:1). Ку Жа Чеол, 62-пен (1:1).

Хитой — Колумбия 0:4

Голлар: Фелипе Пардо, 6 (0:1). Карлос Бакка, 62 (0:2). Мигел Борха, 67 (0:3). Мигел Борха, 92+ (0:4).

Қатар — Исландия 1:1

Голлар: Видар Кьяртанссон, 26 (0:1). Муҳаммад Мунтарий, 91+ (1:1).

Бельгия — Япония 1:0

Гол: Ромелу Лукаку, 72 (1:0).