Бишкекдаги марказий Ала-Тоо майдонида президент Алмазбек Атамбаев фаолиятига оид фотолар қўйилган «Қирғизистон тарихидаги 6 йил» кўргазмаси очилди. Бу ҳақда K-News хабар бермоқда.
Кўргазмада давлат раҳбарининг расмий учрашувларидан олинган, шунингдек, олдинлари кенг жамоатчиликка маълум бўлмаган 100 дан ортиқ фото намойиш этилмоқда.
Муаллиф, президентнинг шахсий фотографи Султон Досалиевга кўра, кўргазма ташкил этилишидан мақсад Алмазбек Атамбаевнинг президентлиги даврида Қирғизистонда юз берган муҳим воқеалар, мамлакат қандай ўзгарганини кўрсатишдан иборат.
«Қирғизистон тарихидаги 6 йил» фотокўргазмаси бир ой давом этади.
Изоҳ (0)