ФИФА кунларидан унумли фойдаланаётган терма жамоалар ўртоқлик ўйинларида майдонга тушишда давом этмоқда. Қуйида кеча — 13 ноябрь куни ўтказилган беллашувлар келтириб ўтилган.
Осиё етакчилари ФИФА кунларида номдор рақибларга қарши ўйнамоқда. Ўзбекистон-чи?
Карлуш Кейруш бошқарувида ЖЧ—2018 саралашини мағлубиятсиз ўтказган Эрон термаси, ўртоқлик ўйинларида ҳам бир текис давом этмоқда. Бунгача Черногория (2:1), Того (2:0), Россия (1:1), Панама (2:1) кабилар билан муваффақиятли ўйнаган форслар, кеча Венесуэла устидан зафар қучишга эришди. Ўтган ҳафта Жанубий Корея термаси ҳам CONMEBOL вакилларидан бири бўлмиш Колумбияни мағлуб этишнинг уддасидан чиққанди.Ўзбекистон термасини саралашда қолдириб кетган Сурия Ироқ билан беллашди ва 1:1 ҳисобида дуранг ўйнади. Саудия Арабистони эса Болгарияда имкониятни бой берди — 0:1. Ўтган ҳафта улар Португалияга қарши саф тортиб, 0:3 ҳисобида енгилганди.
Мексика терма жамоаси ЖЧ—2018 га яхши тайёргарлик олиб бораётганини кўриш мумкин. Ўтган ҳафта мундиал саралашини мағлубиятсиз ўтказган Бельгия билан 3:3 ҳисобида дуранг ўйнаган мексикалик футболчилар, бу сафар Россияга бориши аниқ бўлган Польшани таслим қилди — 1:0.
Изоҳ (0)