Жампьеро Вентура мураббийлик қилган Италия терма жамоаси ЖЧ—2018 чиптасини қўлга кирита олмади. Бу ҳол 1958 йилдан буён илк марта кузатилди.
Италия саралаш босқичида испанлар билан бир гуруҳдан жой олган бўлиб, якунда фақатгина плей-оффдан умид қилишига тўғри келганди. Бу босқичда Скуадро Адзурро Швеция билан тўқнаш келди. Томонларнинг тўрт кун аввал бўлиб ўтган биринчи тўқнашувида шведлар минимал ҳисобда устун келди. Милан шаҳридаги жавоб ўйинида эса ҳисоб очилмади — 0:0.
Италия ЖЧ—2018 дан четда қолиши мумкин. Скуадро Адзурро плей-оффда Швециядан енгилди
Шу тариқа, 180 дақиқа давомида шведлар дарвозасига гол ура олмаган Италия термаси мундиалдан четда қолди. «Мовий гвардиячилар» сўнгги бор 1958 йил Жаҳон Чемпионатига чиқа олмаганди. Қизиқ томони, ўша мундиалга айнан Швеция мезбонлик қилган. Орадан деярли 60 йил ўтиб, шведларнинг ўзи Италия йўлига тўғаноқ бўлди.Швеция терма жамоаси 1 та саралаш циклида ЖЧнинг 3 та финалчиси билан тўқнаш келган жамоага айланди. Гуруҳ босқичида улар Франция ва Голландия билан кураш олиб борди. Аслида мазкур икки терма фаворит сифатида эътироф этилди. Шведлар эса зонани Франциядан кейин 2-ўринда якунлади. Ва мана энди, Италия ортда қолдирилди.
Швеция сўнгги бор Германияда ўтган 2006 йилги мундиалда тўп сурган бўлиб, ЖАР—2010 ва Бразилия—2014 улар учун армонга айланганди. Шу тариқа Швеция футболининг ёрқин фигураси бўлган Златан Ибраҳимович кетма-кет икки мундиалда иштирок эта олмади. Ибраҳимович терма жамоадаги фаолиятини якунлагач, Швеция Жаҳон Чемпионатига қайтди.
ЖЧ—2018 Плей-офф 13 ноябрь, душанба
Италия — Швеция 0:0
Дастлабки ўйин: 0:114 ноябрь, сешанбаИрландия — Дания (0:0)
ЖЧ—2018 чиптасини қўлга киритган мамлакатлар:
Россия, Бразилия, Эрон, Япония, Мексика, Бельгия, Жанубий Корея, Саудия, Германия, Англия, Испания, Нигерия, Коста-Рика, Польша, Миср, Исландия, Сербия, Португалия, Франция, Уругвай, Аргентина, Колумбия, Панама, Сенегал, Марокаш, Тунис, Швейцария, Хорватия, Швеция.
Изоҳ (0)