Швейцария ва Хорватия термалари келаси йил Россияда бўлиб ўтадиган Жаҳон Чемпионатида иштирок этади. Кеча — 12 ноябрь куни улар миссияни ҳал қилди.
Хорватия ва Швейцария ЖЧ-2018 йўлида Греция ва Шимолий Ирландияни мағлуб этди
Европа саралаш босқичида Хорватия термаси Исландияни ўтказиб юбориб, ўзи плей-оффга қолиб кетганди. Унда Хорватлар Греция билан тўқнаш келди. Уч кун олдин томонларнинг Загребда ўтган илк ўйинида Хорватия 4:1 ҳисобида зафар қучганди. Томонларнинг Пирей шаҳрида ўтган жавоб ўйинида голсиз дуранг қайд этилди.Греция терма жамоаси ЖАР—2010 ва Бразилия—2014 мундиалларида иштирок этишнинг уддасидан чиққанди. Энди юнонлар Россия мундиали учун курашдан расман чиқиб кетди.
Хорватия билан бир кунда ўтган ўйиндан кейин Швейцария термаси байрам қилди. Шимолий Ирландия майдонидан 1:0 ҳисобидаги ғалаба билан қайтган жамоа, ўз уйида 0:0 ҳисобида дуранг ўйнади ва Россия—2018 чиптасига эга чиқди.
Швейцария саралашда Португалия билан бир гуруҳдан жой олиб, 10 та ўйиннинг 9 тасида зафар қучган ва фақатгина 1 тасида имкониятни бой берганди. Тўплар нисбатига кўра, Криштиану Роналду жамоадошлари тўғридан-тўғри чиптани қўлга киритганди.
ЖЧ—2018 Плей-офф 12 ноябрь, якшанба
Швейцария — Шимолий Ирландия 0:0
Дастлабки ўйин: 1:0Греция — Хорватия 0:0
Дастлабки ўйин: 1:413 ноябрь, душанбаИталия — Швеция (0:1)
14 ноябрь, сешанбаИрландия — Дания (0:0)
ЖЧ—2018 чиптасини расман қўлга киритган мамлакатлар сони 28 тага етди. Европа бу рақамларга яна 2 та қўшиб беради. Бу борада Италия Швеция билан рақобат қилаётган бўлса, Дания ва Ирландия ўзаро кураш олиб бормоқда. Яна 2 та йўлланма қитъалараро плей-оффдан кейин маълум бўлади.
ЖЧ—2018 чиптасини қўлга киритган мамлакатлар:
Россия, Бразилия, Эрон, Япония, Мексика, Бельгия, Жанубий Корея, Саудия, Германия, Англия, Испания, Нигерия, Коста-Рика, Польша, Миср, Исландия, Сербия, Португалия, Франция, Уругвай, Аргентина, Колумбия, Панама, Сенегал, Марокаш, Тунис, Швейцария, Хорватия.
Изоҳ (0)