Испания Ла Лигасининг 11-турида мағлубиятсиз давом этиб келаётган уч клубнинг барчаси ғалаба қозонишга муваффақ бўлди.
Каталонияликлардан кейин иккинчи бўлиб турган «Валенсия» ўз майдонида йирик ҳисобда зафар қучди. Ортда қолган 11 та ўйинда 30 та гол урган валенсияликлар, сермаҳсуллик борасида «Барселона» билан бир хил кўрсаткичга эга. Очколар фарқи эса 4 тани ташкил этади — «Барселона» фойдасига.
Кеча — 4 ноябрь куни Эрнесто Вальверде шогирдлари Ла Лига марказий ўйинида «Севилья»ни қабул қилиб, 2:1 ҳисобида устун келди. Беллашувда «Камп Ноу» эгаларини Пако Алькасер томонидан қайд этилган дубл қутқариб қолди. Учрашув бош ҳаками фақатгина 1 та футболчини огоҳлантирди — Лионель Месси.
Диего Симеоне бошқарувидаги «Атлетико» ғалабалари сонини дурангларидан ошириб олди. Мадридликлар мавсумдаги олтинчи дуранг арафасида турганди. Томаснинг сўнгги дақиқадаги голи жамоа жонига оро кирди.
Бугун — 5 ноябрь куни Мадриднинг «Реал» клуби ўз майдонида «Лас-Пальмас» футболчиларини қабул қилади.
Испания Ла Лигаси 11-тур беллашувлари 3 ноябрь, жума
«Бетис» — «Хетафе» 2:2
Голлар: Маркель Бергара, 18 (0:1). Франциско Портильо, 34 (0:2). Антонио Санабрия, 68 (1:2). Риёд Будебуз, 87 (2:2).4 ноябрь, шанба
«Валенсия» — «Леганес» 3:0
Голлар: Даниэль Парехо, 14 (1:0). Родриго, 71 (2:0). Санти Мина, 82-пен (3:0).«Депортиво» — «Атлетико» 0:1
Гол: Томас, 91+ (0:1).«Алавес» — «Эспаньол» 1:0
Гол: Кристиан Сантос, 1 (1:0).Четлатиш: Марио Эрмосо, 39 (Э).«Барселона» — «Севилья» 2:1
Голлар: Пако Алькасер, 23 (1:0). Гвидо Писарро, 59 (1:1). Пако Алькасер, 65 (2:1).5 ноябрь, якшанба«Леванте» — «Жирона» — 16:00«Сельта» — «Атлетик» — 20:15«Реал Сосьедад» — «Эйбар» — 22:30«Вильярреал» — «Малага» — 22:30«Реал Мадрид» — «Лас-Пальмас» — 00:45 Futbol-TV
Изоҳ (0)