Мадриднинг «Реал» клуби устози Зинедин Зидан 2017 йилнинг энг яхши мураббийи сифатида тан олинди ва The Best соврини билан тақдирланди.
Криштиану Роналду қаторасига иккинчи бор The Best Football Awards мукофотини қўлга киритди
ФИФАнинг The Best Football Awards маросимида Зиданга икки нафар италиялик мутахассис — Массимилиано Аллегри ҳамда Антонио Конте рақобатчи бўлганди. Аллегри «Ювентус» билан Италия А сериясида ғолиб чиқди ва Чемпионлар Лигасининг финалига қадар етиб келди. Ҳал қилувчи ўйинда туринликлар айнан Зидан бошқарувидаги «Реал»дан йирик мағлубият қабул қилиб олди — 1:4.Антонио Конте эса АПЛга ташрифининг биринчи мавсумидаёқ Англия чемпионлигини қўлга киритди. Унинг бошқарувидаги «Челси» ўтган мавсум халқаро майдонда иштирок этмаган бўлса-да, якунда АПЛ чемпиони сифатида ўз қаддини тиклаб олди.
Зинедин Зидан «Реал»ни 5 йил кутилган Испания чемпионлиги сари бошлаб келди. Бунгача «Атлетико» бир марта Ла Лигада зафар қучган бўлса, қолган совринлар Каталонияга йўл олаётганди. Шунингдек, Зидан Чемпионлар Лигасида кетма-кет икки бор зафар қучишни уддалади. Унга қадар ҳеч бир мураббийга бундай бахт насиб қилмаган. Масалан, афсонавий Сэр Алекс Фергюсон ҳам финалга икки бор кетма-кет етиб келган, бироқ уларнинг бирида имкониятни бой берганди.
Франциялик собиқ футболчи ва айни пайтдаги ТОП мураббий Зидан клублар ўртасидаги Жаҳон Чемпионатида ҳам ғолиб чиқишни уддалай олганди.
Изоҳ (0)