Нукус ва Навоийда Европа киноси кунлари бўлиб ўтади

Жорий йилнинг 24 август санасида «Ўзбеккино» Миллий агентлиги ҳамда Европа Иттифоқи делегацияси ўртасида эришилган келишувга кўра, 6—15 октябрь кунлари Нукус ва Навоий шаҳарларида V Европа кино фестивали ўтказилади. Бу ҳақда агентлик  матбуот хизмати хабар бермоқда.

Мазкур фестивалда Европанинг 6 та, яъни Буюк Британия, Германия, Финляндия, Франция, Чехия ва Швейцария давлатларидан жами 7 та бадиий, ҳужжатли ва анимацион фильмлар иштирок этади.

Фильм намойиши санаси:

6—8 октябрь, Нукус шаҳри

13—15 октябрь, Навоий шаҳри

Сеанслар вақти: 11:00, 17:00, 19:00

Фильмлар рўйхати:

1. «Хайди» (Швейцария, саргузашт)
2. «Парвоз» (Франция, мультфильм)
3. «Кўл ҳақида эртак» (Финляндия, ҳужжатли)
4. «Тўрт қирол» (Германия, драма)
5. «Кичкина одам» (Чехия, комедия)
6. «Сўнгги олмос» (Франция, драма)
7. «Қирол нутқи» (Британия, драма)

Мазкур маданий тадбир доирасида Европа Иттифоқи делегацияси раҳбари Эдуардс Стипрайснинг Нукус ва Навоий шаҳарларида қатор учрашувлар ўтказиши режалаштирилган.