Ўзбекистон Президенти Шавкат Мирзиёев Қирғизистон раҳбари Алмазбек Атамбаевнинг таклифига биноан 5–6 сентябрь кунлари қўшни давлатда бўлганди. Ташриф доирасида икки давлат ўртасидаги иқтисодий, ижтимоий, маданий ва мамлакатлар чегараолди ҳудудлари алоқаларини фаоллаштириш каби масалаларда келишувларга эришилганди, деб эслатади «Ўзбекистон 24».
Келишувларнинг амалий ифодаси сифатида ҳар икки мамлакатни боғлаб турувчи чегара постларининг аҳоли вакиллари учун очилаётганини айтиш мумкин. Куни кеча фаолияти қайта тикланган Фарғона вилояти Водил чегара пости ва Андижон вилояти божхона бошқармаси тасарруфидаги «Маданият» чегара божхона постларидан энди пиёдалар эмин-эркин ҳаракатланиши мумкин.
Постларнинг очилиш маросимлари катта тантанага айланди. Унда сўз олганлар ўзбек ва қирғиз халқларининг тарихи умумий, маданий ва диний қадриятлари муштарак, анъана ва урф-одатлари ўхшаш экани, икки халқ ўртасидаги қадимий дўстлик, қардошлик ва аҳил қўшничилик муносабатлари кейинги вақтларда янги босқичга кўтарилганини таъкидлади.
Ҳар икки чегара божхона пости айни дамда пиёдалар ҳаракатланиши учун очиқ. Пост иш тартиби соат 07:00 дан 19:00 га қадар этиб белгиланган.
Изоҳ (0)