ЎФФ президенти Умид Аҳмаджонов ўзининг иккинчи расмий ташрифида БААга йўл олди ва мамлакат Футбол Ассоциацияси президенти Абдулла Носир Ал-Жунайбий билан меморандум имзолади. Бу ҳақда ЎФФ матбуот хизмати хабар берди.
Меморандумга кўра, ҳар икки томон футболнинг турли жабҳаларида дўстлик алоқаларида бўлади ва ҳамкорликда фаолият олиб боради. Бунда икки томон мутахассислари ва турли ёшдаги футболчилари ўзаро малака алмашиши кўзда тутилган.
2018 ва 2019 йилги клублар ўртасидаги Жаҳон Чемпионати айнан Амирликларда бўлиб ўтади. Умид Аҳмаджонов мазкур мусобақада ЎФФ ходимлари ҳам ташкилий масалаларда ишлаши борасида келишди. Бу ўзбекистонлик ёш мутахассисларга бўлажак йирик мусобақалар мезбонлиги олдидан мактаб вазифасини ўтаб беради. Шунингдек, 2019 йил БААда ўтадиган Осиё Кубогида ҳам ўзбекистонлик мутахассислар ташкилий масалаларда БААга кўмак беради.
ЎФФда халқаро тажрибага эга мутахассислар бор. Аммо биз энди ОФК ва ФИФА таснифидаги катта мусобақаларни Ўзбекистонга олиб келмоқчимиз. Демак, бунда тажриба алмашиш бирламчи вазифа ҳисобланади.Келишувга кўра, Амирлик чемпионатида ўзбекистонлик футбол ҳакамлари, Ўзбекистон чемпионатининг айрим ўйинларида эса БААдан келган ҳакамларнинг ишлаб туриши одатга айланадиган бўлди.Умид Аҳмаджонов, ЎФФ президенти
Бунгача ЎФФ президенти расмий ташриф билан ФИФА қароргоҳида бўлиб, ташкилот президенти Жанни Инфантино билан бир қатор масалалар юзасидан келишув имзолаганди.
Изоҳ (0)