Ироқ Курдистони парламенти Ироқ ҳукуматининг Курд мухторияти мустақиллиги ҳақидаги референдум масаласи бўйича барча резолюцияларини бир овоздан рад этди, деб ёзади «Коммерсантъ».
Нашр эслатишича, Курдистон мустақиллиги ҳақидаги референдумнинг дастлабки натижаларига кўра, ажралиб чиқишни ёқлаб сайловга келганларнинг 93 фоиздан кўпроғи овоз берди. Сайловда сайловчиларнинг 77 фоизи қатнашди. Минтақадаги давлатларнинг деярли барчаси референдумга қарши чиқди. Айниқса қатъий позицияни Бағдоддаги марказий ҳукумат эгаллади, овоз беришни ноқонуний ва конституцияга зид деб эълон қилди.
Изоҳ (0)