Италия ташқи ишлар вазири Анжелино Альфано La Repubblica газетасига берган интервьюсида мамлакат ҳукумати КХДР элчисини чиқариб юбориш ҳақида қарор қабул қилганини маълум қилди.
«Биз жиддий қарор қабул қилдик — Шимолий Корея элчиининг аккредитация жараёнини тўхтатиб қўямиз. У Италияни тарк этиши керак бўлади», — дея Альфанонинг сўзларидан иқтибос келтирмоқда «Коммерсантъ».
Сентябрь ойида Шимолий Корея ўз тарихидаги энг кучли ядровий синовлардан бирини ўтказиб, навбатдаги минтақавий инқирозни келтириб чиқарди.
АҚШ президенти Дональд Трамп 20 сентябрь куни БМТ Бош Ассамблеясида қилган чиқиши чоғида Пхеньяндан ракета парвозларини бир томонлама тартибда тўхтатишни талаб қилган эди. Акс ҳолда, Трамп Шимолий Корея АҚШ томонидан «тўлиқ йўқ қилиниши» билан таҳдид этган эди.
КХДРнинг ҳарбий синовлари бошқа мамлакатлар томонидан ҳам қораланмоқда, бироқ Шимолий Корея раҳбарияти бу синовларни тўхтатишга ва тинчлик музокараларини бошлашга шошилмаяпти.
Изоҳ (0)