Ўзбекистон Марказий банки раиси ўринбосари Шуҳрат Атабаев банк ходимларининг пахтага теримчиларни жалб қилиши ҳақидаги хат юзасидан ўз фикрларини билдириб ўтди. Бу ҳақда «Kun.uz» хабар бермоқда.
Аввалроқ ижтимоий тармоқларда, Telegram мессенжерида Марказий банк раиси ўринбосари Шуҳрат Атабаевнинг имзоси билан 26 сентябрь куни «Хизмат доирасида фойдаланиш учун» тижорат банклари раҳбарлари ва МБнинг ҳудудий бош бошқармалари бошлиқларига йўлланган хат сурати тарқалиб кетган эди.
Мавзуга доир: Ўзбекистон банкларининг ҳудудий филиалларидаги ҳар бир ходим 5 нафардан теримчини пахтага жалб қилади
Бу хат жўнатилишидан мақсад — банклар жойлашган ҳудудларда бекор юрган, ишсиз фуқаролар бўлса, уларга пахта йиғим-терим вақтида тарғибот қилиш. Банкирлар ёки бюджет ташкилотлари ходимларини пахта йиғим-теримига чиқаринглар, деган топшириқ йўқ.Гарчи хатда бу вазифа аниқ қилиб ёзилмаган бўлса-да, биз йиғилиш ўтказиб, гаплашиб, ходимларимизга бошқатдан тушунтирдик. Чунки, таъкидлаганимдек, банклар жойлашган маҳаллаларда уюшмаган аҳоли вакиллари, ишсиз бекор юрган фуқаролар бор. Ҳозир пахтага 500 сўмдан пул берилмоқда, улар чиқиб ёрдам беришса, ўзларининг моддий аҳволи яхшиланишини тушунтиришни банкирлардан илтимос қилганмиз.
Шуҳрат Атабоев, Ўзбекистон Марказий банки раиси ўринбосари
Изоҳ (0)