Iroq Kurdistoni mustaqilligini yoqlab saylovchilarning 91,83 foizi ovoz berdi, deb yozadi “RIA Novosti” Kurdiston Oliy mustaqil saylov komissiyasiga tayanib.
“3,44 millionta ovoz hisoblab chiqilgach, ularning 91,83 foizi ijobiy, 8,17 foizi salbi javob bergani ma’lum bo‘ldi”, — deyishdi komissiyadagilar.
Referendumda 3,4 million saylovchi qatnashdi. Saylovga jami saylovchilarning 72,16 foizi keldi.
Komissiyadagilar ta’kidlashicha, 90 foizdan ortiq bo‘lgan juda baland ko‘rsatkichlar Kirkuk viloyati, shuningdek, Naynov viloyatidagi Sinjar yazidlar tumani hamda nasroniylar tumanlari namoyish qilgan. Ijobiy javobning eng kam foizi Sulaymoniya shahrida kuzatilgan.
Izoh (0)