Ла Лига. Паулиньо «Барса» учун гол урди, Дембеледа жароҳат, «Реал» ва ниҳоят зафар қучди

Испания Ла Лигасининг 4-тур беллашувлари ўз якунига етди.

Мадриднинг «Реал» клуби мавсумни ғалаба билан бошлаганига қарамай, кейинги икки турда дуранг қайд этганди. Бу сафар Зидан жамоаси Сан-Себастьян шаҳридан 3 очко олиб қайтди. Гарет Бэйл гол уриб, мухлисларни хурсанд қилди. Карим Бензема ва Криштиану Роналдунинг йўқлигини билдирмасликка ҳаракат қилган Майорал ҳам рақиб постига йўл топди. «Реал Сосьедад» бунга қадар 3 та ўйинда зафар қучиб, 100 фоизлик натижа қайд этиб турганди.

Каталониянинг «Барселона» клуби мазкур турда иродали ғалабани қўлга киритди. Трансфер ойнаси якунига бир неча кун қолганида харид қилинганлардан Паулиньо жамоасига ғалаба келтирган голга муаллифлик қилди. Усмон Дембеле эса ярим соат ичида жароҳат олиб, майдонни тарк этди. Докторлар фикрича, у камида 3 ой майдонга туша олмайди.

Мадриднинг «Атлетико» клуби янги қурилган Vanda Metropolitano стадионидаги дебют ўйинида Антуан Гризманнинг ягона голи эвазига зафар қучди. Бунгача Гризманн дисквалификация сабаб икки учрашувни қўйиб юборишга мажбур бўлганди.

Испания Ла Лигаси 4-тур беллашувлари 16 сентябрь, шанба

«Леванте» — «Валенсия» 1:1

Голлар: Родриго, 31 (0:1). Энис Бардхи, 41 (1:1).

«Хетафе» — «Барселона» 1:2

Голлар: Гаку Сибасаки, 39 (1:0). Денис Суарес, 62 (1:1). Паулиньо, 84 (1:2).

«Атлетико» — «Малага» 1:0

Гол: Антуан Гризманн, 61 (1:0).

17 сентябрь, якшанба

«Алавес» — «Вильярреал» 0:3

Голлар: Седрик Бакамбю, 32 (0:1). Карлос Бакка, 52 (0:2). Седрик Бакамбю, 62 (0:3).

«Жирона» — «Севилья» 0:1

Гол: Луис Муриэль, 69 (0:1).Ноаниқ пенальти: Алекс Гранель, 91+ (Ж).

«Лас-Пальмас» — «Атлетик» 1:0

Гол: Лоик Реми, 87 (1:0).

«Реал Сосьедад» — «Реал Мадрид» 1:3

Голлар: Борха Майораль, 19 (0:1). Кевин Родригес, 28 (1:1). Кевин Родригес, 36-авт (1:2). Гарет Бэйл, 61 (1:3).