Францияда болға билан қуролланган эркак икки аёлга ҳужум қилди

Франциянинг Сона ва Луара департаментидаги Шалон-сюр-Сон коммунасида болға билан қуролланган эркак икки аёлга ҳужум қилди. Бу ҳақда «ТАСС» хабар бермоқда.

Айтилишича, аёллардан бири енгил жароҳатланган. Жабрланувчи шифохонага етказилди, унга биринчи ёрдам кўрсатилди.

Ҳужумлар бир неча дақиқа фарқ билан амалга оширилди. Гувоҳларнинг сўзларига қараганда, ҳужум уюштирган эркак қора кийим кийиб олган ҳамда «Аллоҳу акбар» деб ҳайқирган.

Жиноятчи воқеа жойидан яширинишга муваффақ бўлди. Уни топиш ишларига вертолёт жалб қилинган.