Унинг пайдо бўлишининг 30 дан ортиқ сабаблари мавжуд. Баъзилари бизнинг ҳаётимизни йил давомида заҳарлайди, баъзилари эса — фақат қишда. Уларни қандай қилиб аниқлаш ва зарарсизлантириш ҳақида мутахассисларнинг маслаҳатлари билан таништирамиз.
Мавсумий асаб бузилишлар
Йилнинг совуқ фаслларида кунлар жуда қисқа бўлади, бунинг устига биз куннинг бутун ёруғ қисмини деярли хона ичида ўтказамиз. Натижада биз табиий ёруғликни кўра олмаймиз, бу эса жуда муҳим.
Кўз тўр пардаларига қуёш тушмаса, организмда уйқу гормони — мелатонин фаол равишда синтезлана бошлайди. Бир вақтнинг ўзида «бахт гормони» — серотонин ишлаб чиқарилиши камаяди, бунинг натижаси кайфиятнинг тушишига олиб келади. Бу эса ўз навбатида — ҳамма учун таниш бўлган: ухлашга бўлган мойилликни келтириб чиқаради.
Вазиятни яхшилаш учун, кўпроқ вақтингизни, айниқса кундузи ташқарида ўтказишингиз керак.
Гаджетлар
Яна бир салбий омил — ёрқин ёруғлик чиқарувчи экранлар. Телефонлар, планшетлар экранларининг ёруғлиги кўз тўр пардаларига таъсир кўрсатади ва уйқу гормони мелатонин ишлаб чиқарилишига тўсқинлик қилади.
Натижада ярим кечасигача телефон ва планшетлардан фойдаланган одам, туннинг иккинчи ярмида зўр бериб ухлашга ҳаракат қилади.
Ишдан кейин экранга қарамасликка ҳаракат қилинг — ва тартибни йўлга қўйиш мумкин бўлади: кечаси ухлаш ва кундузи бардам бўлиш.
Уйқусизлик
Агар сиз тунда ухлай олмасангиз ёки кўп уйғонсангиз, табиийки, кундузи ухлагингиз келади.
Уйқусизликнинг ўнлаб сабаблари бўлади — ва даволаш уларга боғлиқ. Баъзан унинг олдини олиш жуда осон: масалан, агар у кофеинни кўп истеъмол қилиш оқибатида пайдо бўлган бўлса, куннинг иккинчи ярмида аччиқ чой ёки қаҳва ичмасликнинг ўзи етарлидир.
Изоҳ (0)