Ярим тунда уйғониш ёқимсиз ҳолат. Чунки, яна аввалги хотиржам уйқуга қайтиш жуда қийин. Яқингача шифокорлар бу муаммони бартараф қилиш усулларини топишга ҳаракат қилишди, лекин бугунги кунга келиб маълум бўлдики, тундаги тез-тез уйғонишлар инсон табиатига хос экан — биз фақатгина бошқа нарсаларга чалғимасдан дам олиш тартибига тезроқ қайтишни ўрганишимиз керак.
Уйқусизлик нормал ҳолатдир
Кечанинг ўртасида уйғониш мутлақо нормал ҳолат. Бу одам ДНК сининг бир қисми, дейди тиббиёт фанлари доктори ва Гарвард университети профессори Хосе Колон. Унинг таъкидлашича, аслида ҳеч ким бутун кеча узлуксиз ухламайди, тун давомида 4-6 марта уйғониш эса нормал ҳолат ҳисобланади.
Уйқусизлик манбалари
Биологлар ҳушёр ухлаш ва кеча давомида бир неча марта уйғониш одати бизнинг ўтмишдаги ота-боболаримиздан қолганлигини таъкидлайди. Ғор одамлари тез уйғона олиш, атрофдаги бўлиши мумкин бўлган хавфли нарсаларни текшириш ва дам олишга улгуриш учун уйқуга тез қайтишга мажбур бўлишган.
Уйқуга қайтиш
Асосий муаммо тез-тез уйғонишларда эмас, балки уйқуга қайтиш қобилиятидадир. Замонавий одам ҳаддан ташқари ОАВ васвасасига берилган: бир марта уйғонишингиз билан сиз ижтимоий тармоқларни текширишга қарор қилишингиз аниқ ва шу билан сизнинг дам олишингизни тугади деб ҳисоблаш мумкин.
Гаджетлар
Ёруғлик, ҳатто сунъий бўлса ҳам, мелатонин ишлаб чиқарилишига халал беради. Планшетлар ва смартфонлар ёмон уйқунинг асосий сабабига айландилар — ва ўз навбатида эрталабки ҳорғин ҳолатнинг ҳам асосий сабаби. Ухлашдан бир соат олдин китобга ўтинг: шунда сиз дам олишга анча тезроқ киришасиз.
Стресс
Биз ҳаммамиз кўпинча енгил стресс ҳолатида бўламиз. Шунинг учун чарчоқлик ойлар давомида йиғилиб, кичкина кўнгилсизликдан улкан муаммога айланиши мумкин. Шифокорлар медитацияни синаб кўришни тавсия қилишади: бор-йўғи 10 дақиқалик медитация кундалик стресс миқдорининг сезиларли даражада камайиши учун етарли эканлиги олимлар томонидан аллақачон исботланган.
Манба: «Zdorovie.com»
Изоҳ (0)